Thursday, September 15, 2011

വെറും മൂന്നക്ഷരങ്ങള്‍...

നീ എന്തിനാണ്
എന്നെയിങ്ങനെ പകയോടെ
നോക്കുന്നത്?
പക ചുവപ്പിച്ച
നിന്റെ കണ്ണുകള്‍ക്കും
മേടച്ചൂടില്‍ കൊഴിഞ്ഞു വീണ
വാക പൂക്കള്‍ക്കും ഒരേ നിറം.

നിന്‍റെ കാഴ്ച്ചയുടെ
തെറ്റായ കോണിലൂടെ
ഒരു പൂവാലന്‍ കിളി
ചിറകടിച്ചുയര്‍ന്നപ്പോഴാണ്
എന്‍റെയുള്ളിലെ പൂക്കാലത്തിന്റെ
വര്‍ണങ്ങള്‍ കെട്ടു പോയത്.

കാട് കയറിയ വാക്കുകളുടെ
മേച്ചില്‍പ്പുറങ്ങളിലെങ്ങോ
കഴുകന്‍ കണ്ണുകള്‍
എന്‍റെ മുഖത്തൊട്ടിച്ച  
വേളയിലാണ് 
മാന്‍പേടയുടെ മിഴികള്‍ 
എനിക്ക് നഷ്ടമായതും 
മഴവില്ലിന്റെ തേരോട്ടം 
അന്യമായതും 

ഉടഞ്ഞ വളപ്പൊട്ടുകളിലെ
ഉണങ്ങാത്ത ചോരയും  
ചത്തു മലച്ച കണ്ണുകളും  
നീ കണ്ടതേയില്ല 

എന്റെ വാക്കുകള്‍ക്കും,
എഴുത്തുകള്‍ക്കും 
നീര്കുമിളയുടെ
ആയുസ്സ് മാത്രം 

ഇന്നും പരാജയപ്പെടുന്നത് 
ഞാന്‍ തന്നെയാണ്. 

പ്രണയമെന്നത് 
നിനക്കെഴുതാന്‍ മാത്രമുള്ള
വെറും മൂന്നക്ഷരങ്ങള്‍ ....

5 comments:

  1. പ്രണയത്തിന് ആശംസകള്‍....

    ReplyDelete
  2. കൊള്ളാം എനിക്കിഷ്ട്ടായി ട്ടോ. മനസ്സിൽ ചെറിയൊരു പ്രണയമുള്ളതുകൊണ്ടാവും അല്ല,അവൾ പിണങ്ങി പിരിഞ്ഞുപോയത് കൊണ്ടാവും എനിക്ക് ഇത് ഇഷ്ട്ടപ്പെട്ടത്.

    ReplyDelete
  3. മനസ്സിൽ ചെറിയ ഒരു പ്രണയമുള്ളതുകൊണ്ടാവും, അല്ല അവൾ എന്നോട് പിണങ്ങി പോയത് കൊണ്ടാവും എനിക്കീകവിത നന്നായി ഇഷ്ട്ടായി ട്ടോ.

    ReplyDelete
  4. മനസ്സിൽ ഒരു പ്രണയത്തിന്റെ വേദന ഉള്ളത് കൊണ്ടാവും, അല്ലെങ്കിൽ അവൾ എന്നെ പിരിഞ്ഞു പോയത് കൊണ്ടാവും എനിക്കീ കവിത വളരെ നന്നായി ഇഷ്ട്ടായി ട്ടോ.

    ReplyDelete
  5. ഞാനും നീയും പ്രണയവും......

    ReplyDelete