Friday, July 22, 2011

നിന്റെ കണ്ണിലെ നക്ഷത്രങ്ങൾ


നിന്റെ മിഴികളിലെ
നക്ഷത്രത്തിളക്കത്തിൽ
കാഴച്ചകൾ മങ്ങിയ നേരത്താണ്‌
എന്റെ സിരകളിലാരോ
പ്രണയം കുത്തിവെച്ചത്

കരിഞ്ഞുണങ്ങിയ
ഹൃദയവും കടന്ന്
തീ പിടിച്ച തലച്ചോറുകൾ
ഉരുകിയൊലിച്ചാണ്‌
ഞാൻ പ്രണയവർണ്ണങ്ങൾ
ചാലിച്ചത്

നരച്ച താടിരോമങ്ങളിലെ
വെളുപ്പിനെ അത് കറുപ്പാക്കി

ഇലകൊഴിഞ്ഞ മരത്തിൽ
തളിരിലകൾ പൊടിച്ചതും
പാറിയകന്ന ബലികാക്കകൾക്ക്
പിന്നാലെ
ഇണക്കുരുവികൾ വിരുന്നുവന്നതും
അപ്പോഴായിരുന്നു

ഉപ്പുകാറ്റേറ്റ് തുരുമ്പിച്ച
കടൽപ്പാലത്തിന്‌ മുകളിലിരുന്ന്
കയ്പ്പിന്റെ രസമുകുളങ്ങളിൽ
പ്രണയത്തിന്റെ
ചോക്ക്ലേറ്റ് മധുരം
നുണഞ്ഞിറക്കിയ നേരത്ത്
കൂമ്പിയ മിഴിക്കോണിൽ
ചുംബിക്കാനൊരുങ്ങവെയാണ്‌
നിന്റെ കവിളുകളിലെ
കണ്ണാടിത്തിളക്കത്തിൽ
സൂര്യനസ്തമിച്ചതും,
ഇന്നലെ പെയ്ത മഴയിൽ
ഒലിച്ചുപോയ സിന്ദൂരത്തിന്റെ
നനഞ്ഞ വാക്കുകകൾ
നീയെന്നിൽ കുടഞ്ഞതും
രണ്ടക്ഷരം കൊണ്ടെന്റെ
ബലൂൺ പ്രണയത്തെ
പൊട്ടിച്ചതും...

5 comments:

  1. നന്നായിരിക്കുന്നു ആശംസകള്‍.....

    ReplyDelete
  2. സോറി .പ്രണയമാണല്ലേ............ഞാനറിഞ്ഞില്ല.ഞാൻ ഷുഗർ കമ്പ്ലൈന്റുള്ളയാളാ. പറ്റില്ല

    ReplyDelete
  3. ഇങ്ങനെയൊക്കെ എത്രവേണമെങ്കിലും അനായാസം എഴുതിപ്പിടിപ്പിക്കാം.
    കഷ്ടം.

    ReplyDelete
  4. ഇങ്ങനെയൊക്കെ എത്രവേണമെങ്കിലും അനായാസം എഴുതിപ്പിടിപ്പിക്കാം.
    കഷ്ടം.

    ReplyDelete